HISTORIA EVANGELICA

CAPUT LXXXIV: De quodam caeco

#Matth. XVI#Marc. VIII

Et ascendens Jesus navim cum discipulis venit in partem Magedon. Eumdem locum vocat Marcus Dalmanuta, quia binomius erat, et obliti sunt discipuli tollere panes, et docebat eos: Cavete a fermento Pharisaeorum, et Sadducaeorum, et Herodis. Cumque putarent se tacite notatos de panum oblivione, arguit eos de modicitate fidei, quia, eo praesente, timebant posse egere. Secundum Marcum illuminavit hic caecum. Sed de similibus sufficit nobis aliqua ponere. Alia transimus, quia concanonica sunt illis.